Rusiya Müdafiə Nazirliyinin Beynəlxalq Ərazilərinin Minalardan Təmizlənməsi Mərkəzinin mütəxəssislərinin Dağlıq Qarabağı minalardan təmizlədiyi anların görüntüləri yayımlanıb. Publika.az xəbər verir ki, kadrlarda aşkarlanan sursatların zərərsizləşdirilməsi prosesi əks olunub. Nazirlik son açıqlamasında 23 Noyabr 2020-ci ildən bəri Qarabağda təxminən 479,2 hektar ərazi, 182,8 km yol, 22 sosial əhəmiyyətli obyekt daxil olmaqla, 710 yaşayış binasının partlamamış hərbi sursatlardan təmizləndiyini, 23 mindən çox partlayıcı obyekt zərərsizləşdirildiyini açıqlamışdı.
